Ekzistas alia termino por tiu fenomeno pli ĝenerale, finne jakamistalous, svede delningsekonomi, angle sharing economy. Ankaŭ por ĝi – laŭ mi scio – mankas trafa esprimo en Esperanto. Artikolo pri tio en Vikipedio havas ankaŭ esperantan paĝon, kiu uzas la esprimon ”kunlaboreca ekonomio”.
Ŝajnas al mi, ke tiuj esprimoj tamen ne estas plene samsignifaj. En la finna (kaj kelkaj aliaj lingvoj) oni parolas pri maniero komunuzi, ekz. prunti aĵojn, dividi ilian uzadon sen posedi ilin. Estas novtipa ekonomio, sed klare funkcianta ene de merkatekonomia sistemo. La esperanta paĝo pli akcentas la ideon de alternativa ekonomio. Tie tamen troviĝas interesa esprimo kundividi, kundivida ekonomio.
