Bona demando. Vi pravas, ke temas pri merkatekonomia sistemo, en kiu oni povas pruntepreni aĵojn kaj ilojn, kiujn oni tradicie devis posedi por uzi ilin. Konataj ekzemploj ja estas Airbnb (loĝejoj) aŭ GoMore (aŭtoj).
Mi hezitas nomi tian ekonomion ”kundivida”, ĉar la baza signifo de ”dividi” estas apartigi al partoj (plie pri ĉi tiu temo en mia artikolo). Oni ne samtempe loĝas en la sama loĝejo aŭ samtempe uzas la saman aŭton.
Principe la pruntedonanto kaj prunteprenanto de loĝejo aŭ aŭto estas egalaj en la negoco kontraste al situacio, en kiu vi rezervas hotelĉambron aŭ luprenas aŭton. Laŭ ĉi tiu perspektivo oni povas paroli pri samtavola ekonomio.
