Tio povas daŭri dum longa tempo.
Unu el la malfacilaĵoj koncerne la uzon de la verbo ”daŭri” estas, kiel montri, kiel longe ago daŭras. Oni povas uzi
- adverbon: lia kolero longe daŭris; nek ĝojo nek malĝojo daŭras eterne (L. L. Z.)
- la rolvorteton ”ĝis”: knaba gusto daŭras ĝis la morto (L. L. Z.)
- tempan akuzativon: la sieĝo daŭris tri jarojn (KaBe)
- la rolvorteton ”dum”: …kaj poste falis en malviglecon, kiu kelkafoje daŭris dum multaj horoj. (Vallienne)
Komence oni uzis ”dum” nur kiel frazenkondukilon, ekz. ”Forĝu feron, dum ĝi estas varmega.” Poste oni komencis uzi ĝin ankaŭ kiel rolvorteto, ekz. ”Tondro bruadis dum la tuta nokto.” Notinde estas, ke ”dum” ne povas montri tempodaŭron necesan por plenumi ion (vd. PMEG), ekz. ”Li parolis dum kvin minutoj, sed vane, ĉar tiajn demandojn oni ne povas respondi en kvin minutoj.” El tiu ne-plenumeco sekvas, ke oni kutime rigardas, ke la ago ne daŭras la tutan tempon. Ekz. ”niaj bogepatroj vizitos nin dum la somero” enhavas la ideon, ke la vizito (bonŝance) ne daŭros la tutan someron, sed nur parton.
Do kvankam la frazo ne rekte estas malĝusta, ĝi povas kaŭzi konfuzon kaj pli bone estas diri per tempa akuzativo.
Tio povas daŭri longan tempon.
1 viikko sitten.