Traduko de hodiaŭa novaĵo:
”La sezono de elektraj skutiloj komenciĝas hodiaŭ lunde, informis la urbo Helsinko en Instagram.
Kiel pasintjare, parkado de [komunuzaj/komunuzeblaj] elektraj skutiloj estos limigita en la urbocentra areo, ĉe metrostacioj kaj ĉe la stacio de Pasila. Krome, estos limigoj sur kelkaj stratoj de Kallio, diras la publikaĵo.
En la urbocentro kaj ĉe la plej trafikataj stacioj, parkumejoj estas markitaj per pentritaj parkumadkvadratoj. Ĉe aliaj stacioj, parkado estas kontrolita per apo en virtualaj parkumejoj.
Ĉi-jare, en Helsinko funkcias kvin operaciantoj de elektraj skutiloj. Ili estas Bird, Bolt, Dott, Ryde kaj Voi.
La registaro proponis leĝoŝanĝon enkonduki 0,5-promilan limon por veturigantoj de elektraj skutiloj. La ŝanĝo estas planita ekvalidi komence de majo. La celo de la propono estas plibonigi la sekurecon de elektraj skutiloj kaj aliaj mikromovebloj.”
Kiel diri yhteiskäyttöinen en Esperanto?
Komuna: rilata al pluraj samtempe, rilata al plejmulto, ofte tradukebla kiel yleinen sed ankaŭ kiel yhteinen, komune signifas kune aŭ ĝenerale, ordinare.
Komunuza fakte ekzistas en Esperanto, sed uzata ĉefe en la senco yleisesti käytetty, ofte ankaŭ tradukebla kiel arkikielinen (komunuza nomo).
La vorto komunuza kun senco ”yhteiskäyttöinen” estas farita laŭ la gramatikaj reguloj de Esperanto. Ĝi aperas en Revo kun klarigo ”Uzata de la plejmulto, komune uzata”. La nura ekzemplo tamen estas komunuzaj frazoj (de la komuna, nefaka lingvo).
Tiu termino estas nova kaj ankoraŭ nefiksiĝinta en pluraj lingvoj. En Wikipedio estas artikolo yhteiskäyttöauto. En pluraj lingvoj (angle, germane, portugale, pole, eĉ ruse, ukraine) ĝi estas carsharing. Angle simile bicicle sharing kaj scooter sharing. France kaj en skandinaviaj lingvoj oni parolas pri dividado, autopartage, bildelning.
Kiel vi dirus en Esperanto?
1 viikko 6 päivää sitten.
