Ingrediencoj por 4 porcioj
- ĉ. 300 g da kapobrasiko
- (c. 3 malgrandaj karotoj)
- ½ da maldika freŝa kukumo
- ĉ. 1½ tekulero da marsalo
buljono
- 1 supkulero da haketita zingibro
- 2 branĉetoj da freŝa antrisko aŭ alia herbo
- 2 tekuleroj da vina vinagro el pomoj aŭ el blanka vino
- 1 tekulero da sukero
Duonigu la kukumon kaj tranĉu ĝin ĝis pecetoj aŭ malgrandaj kuboj. Disvastigu ilin en profundan teleron, ŝutu la salon kaj miksu. Lasu stari en ĉambrovarmo ĉ. kvaronon da horo, por ke akvo komenciĝas apartiĝi.
Tranĉu la kapobrasikon ĝis pecetoj aŭ uzu miksaparaton. Tranĉu simile la karotojn. Miksu ilin.
Miksu aliaj ingrediencojn ĝis buljono. Vi povas uzi sekigitajn herbojn, sed tiam trempu ilin en ege malgranda kvanto de malvarma akvo kelkajn minutojn. Verŝu la trempitajn herbojn kune kun la akvo en la buljonon. Lasu la buljonon spiciĝi.
Tralavu ekstran salon de la kukumoj. Ne tralavu ĉiun salon. Lasu la akvon verŝiĝi. Miksu la kukumojn kaj la buljonon kun la mikso de brasiko kaj karotoj. Kovru la ujon kaj lasu ĝin stari en malvarmeta loko minimume du horojn antaŭ servado. Miksu ankoraŭ antaŭ la servado. Servu malvarmete.
Konsiletoj:
Salo kaj zingibro kaŭzas moliĝon de la brasiko kaj karotoj. Vi povas fortigi tiun procedon per havi premilon sur la peklaĵo.
Per uzo de diverskoloraj karotoj vi ekhavos pli buntan peklaĵon.
La peklaĵo bone konserviĝas en malvarmeta temperaturo, do indas fari la tutan kvanton kaj manĝi reston poste.